Няхай у нашых сем'ях заўсёды будуць мір і спакой! Са святам!
03.07.2023
АЛЕГ АРКАДЗЬЕВІЧ АНІКЕВІЧ, дырэктар ДУА "Спецшкола-інтэрнат г.Навагрудка":
— Дзень Незалежнасці Рэспублікі Беларусь — адно з самых значных святаў для кожнага жыхара краіны. У гэты светлы дзень мы славім герояў-землякоў, якія пераадолелі страшныя цяжкасці вайны дзеля вызвалення роднага краю. Незалежнасць Беларусі — гэта вынік напружанай працы нашага народа, гэта летапіс адвагі нашых продкаў. Дзякуючы самаадданасці, мужнасці і патрыятызму абаронцаў Беларусі нашы людзі атрымалі права жыць пад мірным небам. Пакаленне вызваліцеляў падарыла нам самае дарагое, што ёсць у чалавека, — жыццё і свабоду. І толькі ў нашых сілах, захаваўшы спадчыну мінулага, зрабіць Беларусь моцнай і квітнеючай. У гэты святочны дзень мне хочацца пажадаць усім жыхарам краіны моцнага здароўя, шчасця, дабрабыту і поспехаў. Няхай у нашых сем'ях заўсёды будуць мір і спакой! Са святам!